Undirritaður hefur verið samningur um sameiningu Innovit nýsköpunar- og frumkvöðlaseturs og Klaks nýsköpunarmiðstöðvar atvinnulífsins. Félögin hafa hvort um sig starfað í þágu nýsköpunar og frumkvöðlastarfs um árabil og stutt við stofnun og vöxt fjölda íslenskra sprotafyrirtækja.

Kristján Freyr Kristjánsson, áður framkvæmdastjóri Innovit er nýr framkvæmdastjóri sameinaðs félags. Við sameininguna mun nýtt eignarhaldsfélag, Klak Innovit ehf. líta dagsins ljós. Eigendur Innovit ehf. eignast 60% heildar hlutafjár í sameinuðu félagi og eigendur Klak ehf. 40% hlutafjár. Hið sameinaða félag verður í eigu Háskóla Íslands, Háskólans í Reykjavík, Nýsköpunarsjóðs Atvinnulífsins, Samtaka iðnaðarins, áður eigenda Innovit ehf., og Nýherja, áður eiganda Klak ehf. Auk þess munu stofnaðilar Innovit áfram eiga hlut.

Starfsfólk beggja félaga munu nú starfa saman undir einum hatti en auk þeirra koma yfir 100 leiðbeinendur og fjárfestar úr íslensku atvinnulífi að ýmsum verkefnum tengdum félaginu. Stjórn félagsins skipa Þorsteinn G. Gunnarsson, stjórnarformaður Klak Innovit, Þórður Sverrisson, forstjóri Nýherja, Ari Kristinn Jónsson, rektor HR, Halldór Jónsson, sviðsstjóri Vísindasviðs HÍ, Helga Valfells, framkvæmdastjóri NSA, Halla Helgadóttir, framkvæmdastjóri Hönnunarmiðstöðvar og Magnús Már Einarsson, fyrrum meðstofnandi Innovit.

Saman hafa Innovit og Klak staðið að Startup Reykjavik viðskiptahraðalinum í samstarfi við Arion banka þar sem 10 fyrirtæki í senn fá 2.000.000 kr. í hlutafé, 10 vikna þjálfun frá yfir 50 sérfræðingum og tækifæri til þess að kynna fyrir fjárfestum. Á meðal annarra verkefna á vegum Innovit eru Gulleggið frumkvöðlakeppni sem hefur tekið á móti og stutt við yfir 1000 viðskiptahugmyndir og Atvinnu- og nýsköpunarhelgar (e. Startup Weekend) sem hafa farið fram í átta sveitarfélögum um land allt og hafa aðstendur sömuleiðis stjórnað slíkum helgum í Álaborg í Danmörku og Tehran í Íran. Þá er Innovit jafnframt íslenskur umsjónaraðili Alþjóðlegrar athafnaviku sem fer fram í yfir 120 löndum. Á meðal verkefna Klak má t.d. nefna Viðskiptasmiðjuna þar sem um 200 námskeið hafa verið kennd frá árinu 2008. Einnig hafa verið haldin Seed Forum Iceland sprotaþing undanfarin fimm ár á vegum Klaks og fyrirlestraröðin Nýsköpunarhádegi undanfarna tvo vetur. Þá hafa bæði félögin boðið frumkvöðlum og sprotafyrirtækjum vinnuaðstöðu í frumkvöðlasetrum.

The Seed Forum Iceland investment conference is for investors interested in the business cases of the most promising seed and early stage growth companies presenting in Iceland.

The conference will take place Friday 12th of April 2013 at 8:30 at the Arion Bank headquarters Borgartun 19, Reykjavik

As there are limited number of seats, please register on www.seedforum.is

AGENDA

08:30 REGISTRATION – COFFEE AND LIGHT REFRESHMENTS

09:00 SESSION ONE

09:00 Chair of meeting: Kristján Kristjáns Chairman of Seed Forum Iceland  and Steinar Korsmo - President of Seed Forum  International

09:10 Opening: Steingrímur J. Sigfússon, Minister of Industries and Innovation

09:20  Ian Merricks - Managing Partner at White Horse Capital, Accelerator Academy founder and  angel investor  - Secrets of successful funding – Top tips for growth companies

09:35  Jon von Tetzchner - CEO and Founder of Dvorzak Invest: A conversation. Jón will talk about the building of Opera and his current focus

09:50  Odd Moe – CEO of The Entrepreneurs House in Oslo (Center of the Univers for  Norwegan entrepreneurship)

10:00 Karsten Høy -  CEO of Greenland Holding: The Innovation System in Greenland

10:15 Coffee break

10:30 SESSION TWO

10:30 Presentations of business opportunities of nominated and selected companies

11:55 Einar Gunnar Guðmundsson  – Corporate Development at Arion Bank: Investing in Startups

12:00 LIGHT BUFFET LUNCH – Sponsored by the Norwegian Embassy

13:00 End of Seed Forum

17:00 Networking event at the British Ambassador Residence – Laufsásvegur 33, 101 Reykjavik

19:00 Late night Seed Forum at Reykjavík Restaurant.

Frummælandi:
Böðvar Bjarki Pétursson,  stofnandi og stjórnarformaður Kvikmyndaskóla Íslands.

Böðvar Bjarki mun fjalla um þá möguleika sem felast í kvikmyndagerð á Íslandi, greina  þær forsendur sem liggja að baki
hámarksárangri og útskýra hvers vegna Íslendingar ættu að sækja fram á þessu sviði. Þá mun hann kynna staði  eins og Nollywood í Nígeríu, Bollywood á
Indlandi og Hollywood í Bandaríkjunum,  þar sem kvikmyndaiðnaðurinn hefur náð miklu flugi og benda á hvað við getum lært og tileinkað okkur.

Að lokum verður svo reynt að svara spurningu fyrirlestursins um hvernig íslenskur kvikmyndaiðnaður getur skapað 5000 ný störf.

Fyrirlesturinn  hentar öllum frumkvöðlum; listamönnum,  stjórnmálamönnum og ekki síst  fjárfestum sem hafa áhuga á byggja upp öflugan sköpunariðnað á Íslandi.

Nýsköpunarhádegi Klaks er haldið í hádeginu á hverjum þriðjudegi í O2 húsinu. Nýsköpunarhádegi Klaks er samstarfsverkefni Klak – Nýsköpunarmiðstöðvar atvinnulífsins, Landsbankans, Stjórnvísi, Samtaka iðnaðarins, og Viðskiptablaðsins.

Staður: Ofanleiti 2, stofa 201

Skæruliðamarkaðssetning hentar frumkvöðlum sérstaklega vel, þar sem hún gerir ekki ráð fyrir að miklir peningar fari í markaðsstarfið – en krefst þess í stað tíma, orku og hugmyndaflugs.

Frummælandi: Þóranna K. Jónsdóttir

Í fyrirlestrinum fer Þóranna  yfir helstu atriði skæruliðamarkaðssetningar skv. kenningum hugmyndasmiðs skæruliðamarkaðssetningarinnar, Jay Conrad Levinson, auk þess sem hún lumar á nokkrum skemmtilegum dæmum.

Þóranna K. Jónsdóttir starfar sem markaðsráðgjafi og leggur sérstaka áherslu á stefnumótun markaðsmála, með brandið sem kjarna markaðsstarfsins. Hún er manneskjan á bak við Markaðsmál á mannamáli, en markmið MáM er að auka markaðslega færni minni fyrirtækja til að stuðla að því að framúrskarandi vörur og þjónusta fái að blómstra. Þjálfun fer fram á netinu og hugmyndafræði skæruliðamarkaðssetningar er lögð til grundvallar.

www.facebook.com/markadsmal – www.thoranna.is – www.mam.is

Nýsköpunarhádegi Klaks er haldið í hádeginu á hverjum þriðjudegi í O2 húsinu. Nýsköpunarhádegi Klaks er samstarfsverkefni Klak – Nýsköpunarmiðstöðvar atvinnulífsins, Landsbankans, Stjórnvísi, Samtaka iðnaðarins, og Viðskiptablaðsins.

Staður: Ofanleiti 2, stofa 201

Allir velkomnir!

Frummælendur: 

Haukur Guðjónsson einn af stofnendum Búngaló og ritstjóri vefsíðunnar frumkvodlar.is  -  algengustu mistök frumkvöðla þegar þeir taka sín fyrstu skref í þessu áhugaverða ferðalagi.

Rúna Magnúsdóttir, einn af stofnendum BRANTit og alþjóðlegur stjórnendamarkþjálfi og fyrirlesari – Orðspor og ímynd frumkvöðla – Hvaða þrjú atriði skipta sköpum við uppbyggingu á ímynd frumkvöðulsins.

Nýsköpunarhádegi Klaks er vettvangur fyrir samræður um framtíð Íslands, nýsköpun, atvinnusköpun og verðmætasköpun. Hádegið er samstarfsverkefni Klaks – Nýsköpunarmiðstöðvar atvinnulífsins, Landsbankans,
Viðskiptablaðsins, Stjórnvísi og Samtaka iðnaðarins.

Staður: Ofanleiti 2, 2. hæð – stofa 201

Markmið Startup Reykjavik er að skapa umgjörð þar sem athafnamenn njóta ráðgjafar og leiðsagnar reynslumikilla aðila í þeim tilgangi að ýta úr vegi nýjum viðskiptatækifærum. Startup Reykjavik verkefnið er það fyrsta sinnar tegundar hér á landi en verkefni sem þessi hafa notið mikilla vinsælda og virðingar víðsvegar um heim af fjárfestum og fyrirtækjum sem eru að stíga sín fyrstu skref. Frekari upplýsingar um Startup Reykjavík má finna á www.startupreykjavik.

Ég vil nota þetta tækifæri til þess að þakka ykkur og öllu því frábæra fólki sem ég kynntist á þessari vegferð. Frumkvöðlar eru ótrúlega orkumikið og skemmtilegt fólk, maður getur ekki annað en fyllst bjartsýni þegar það er til fólk sem er tilbúið til að leggja á sig endalausa vinnu til að skapa verðmæti og öðrum atvinnu. Ég er gríðarlega þakklátur vinum mínum sem við höfum fengið með einum eða öðrum hætti til að taka þátt í þessari uppbyggingarvinnu með okkur. Mér telst að það sé á annað hundrað manns sem hafa hjálpað okkur að hjálpa frumkvöðlum og sprotafyrirtækjum. Takk fyrir það.

Ég vil líka þakka samstarfsfólki mínu á þessum tíma, sérstaklega Maríu Þorgeirsdóttir, verkefnastjóra Viðskiptasmiðjunnar, og stjórn Klaks. Sérstakar þakkir fær stjórnarformaður Klaks, Þórður Sverrisson, forstjóri Nýherja.

Kærar þakkir.

…

Það er alltaf áhugavert að horfa yfir farinn veg og velta því fyrir sér hvort eitthvað hafi áunnist. Það er í raun of snemmt að segja til um það en ég er ánægður með margt sem við höfum gert á þessum fimm árum. Þegar ég hef kynnt starfsemi Klaks fyrir fólki þá hefur það undantekningarlaust orðið gáttað yfir umfangi rekstrarins. En ég lýsti einungis toppnum á klakanum.

Ég held að það séu fáir sem átta sig á að við byggðum upp eitt metnaðarfyllsta prógram fyrir frumkvöðla á Norðurlöndunum. Viðskiptasmiðjan – Hraðbraut nýrra fyrirtækja er ekki einungis frumkvöðlanám heldur hraðbraut frumkvöðla og nýrra fyrirtækja. Við höfum rekið ellefu (tólf með Startup Reykjavík) þriggja mánaða hraðala eða hraðbrautir (e. Accelerators) frá 2008. Sem frumkvöðlanám þá hafa fleiri en 200 námskeið verið kennd í Viðskiptasmiðjunni, fleiri en 50 kennarar og hátt í 100 gestafyrirlesarar og mentorar hafa unnið með okkur. Vel á annað hundrað sprotafyrirtæki hafa tekið þátt. Við höfum líka verið leiðandi í frumkvöðlakennslu  í háskólaumhverfinu og búið til um tíu námskeið fyrir háskólana, flesta þeirra á MBA og meistarastigi (áhættufjárfestingar, viðskiptaáætlanagerð o.s.frv.) en einnig á BS stigi, t.d. risa-bootcamp í stofnun fyrirtækja fyrir HR. Á annað þúsund nemenda háskóla á Íslandi hafa notið leiðsagnar okkar í frumkvöðlakennslu. Þá eru ekki talin þau tuttugu skipti sem ég hef verið gestafyrirlesari í háskólum landsins.

Við lögðum mikla orku í að skapa áhuga fyrir fjárfestingum í sprotafyrirtækjum á Íslandi. Flestir vildu leggja niður fjárfestingarþingið Seed Forum Iceland árið 2008 vegna þess að það var ekki hægt að fjármagna það verkefni en við tókum það á okkar herðar, gerðum betur og höfum haldið tíu 100 – 200 manna Seed Forum þing síðan. Um 150 sprotafyrirtæki hafa nú kynnt á Seed Forum Iceland, Örfjárfestaþingum og Investor day. Við sköpuðum vettvang fyrir viðskiptaengla, héldum fjárfestingaráðstefnur og ótal fundi og boð til þess að leiða saman fjárfesta og frumkvöðla. Við höfum stanslaust kynnt áhugaverð sprotafyrirtæki fyrir íslenskum áhættufjárfestingasjóðum og viðskiptaenglum og erlendum áhættufjárfestum. Við höfum aldrei tekið krónu fyrir þetta en með hjálp þessara verkefna er búið að fjárfesta vel á annan milljarð í þessum sprotafyrirtækjum.

Við gerðum greiningar á íslensku sprotaumhverfi fyrir alla bankana og höfum kynnt ótal verkefni fyrir þeim með það að leiðarljósi að virkja þá í þessu umhverfi. Nú taka allir bankarnir með einhverju hætti þátt í uppbyggingu sprotaumhverfisins og Arion banki hefur tekið þátt í tveimur stórum verkefnum með okkur – Seed Forum Iceland og Startup Reykjavík – og það þriðja og stærsta er í góðum farvegi.

Við byggðum upp tvö sprotasetur á þessum tíma, annað í gamla Morgunblaðshúsinu og hitt í O2 – gamla HR. Frumkvöðlasetrið í O2 var byggt upp á tveimur árum og er stærsta og öflugasta frumkvöðlasetur landsins, þar sem fyrirtæki eins og Meniga og Mentor hafa haft aðstöðu. Uppbyggingin í O2 var jafnframt gerð til þess að búa til líf í gamla HR og skapa einstakt mennta- og frumkvöðlahús í O2 í samstarfi við Viðskiptaráð. Klak hefur í raun niðurgreitt leigu fyrir um 60 sprotafyrirtæki á síðastliðnum fimm árum með rekstri frumkvöðlaseturs. O2 hefur jafnframt orðið miðpunktur sprotastarfs á Íslandi ef tekið er mið af öllum þeim atburðum sem haldnir hafa verið í húsinu.

Við lögðum áherslu á að reyna að breyta umræðunni um verðmætasköpun á Íslandi, nýsköpun, atvinnusköpun, sprotafyrirtæki og frumkvöðla – að Ísland þyrfti að þróast í þekkingar- og nýsköpunarhagkerfi. Ég skrifaði um fimmtíu greinar um þetta efni, flestar fyrir Vísbendingu, Frjálsa verslun og Viðskiptablaðið en jafnframt fyrir aðra miðla. Við bjuggum til árlegt sprotablað með Frjálsri verslun þar sem birtur hefur verið listi yfir 100 áhugaverð sprotafyrirtæki og ótal viðtöl við frumkvöðla, sem hefur komið út í fimm ár. Við gáfum út okkar eigið tímarit – NordicInnovation.is – sem komið hefur út í tvö ár og vakið athygli í öllum heimshornum. Við höfum verið óþreytandi í að kynna áhugaverð sprotafyrirtæki og frumkvöðlaverkefni fyrir fjölmiðlum og kennt frumkvöðlum að gera það sjálfir og hvatt þá áfram. Þökk sé góðu samstarfi við fjölmiðlamenn þá hefur umfjöllun um nýsköpun og frumkvöðla margfaldast.

Við höfum lagt áherslu á að til þess að sprotastarf geti dafnað á Íslandi þarf að „byggja brýr“ inn á erlenda markaði. Við höfum byggt upp mjög gott samstarf við þrjú erlend sendiráð – það breska, norska og það bandaríska og tengsl við lykilaðila í sprotaumhverfi þessara landa. Við gerðum mikilvæga samstarfssamninga, eins og samninginn við SIVA – Iðnþróunarfélag Noregs – um samstarf um uppbyggingu á nýsköpunarsetrum. Við höfum farið í fjórar vísindaferðir með um fimmtíu íslenska frumkvöðla til London í Bretlandi og Kísildalsins í Bandaríkjunum og tengt þá við fjárfesta, stofnanir og aðra frumkvöðla og við höfum gert íslenskum sprotafyrirtækjum kleift að kynna sig á erlendum fjárfestaþingum. Við fluttum inn á fjórða tug fyrirlesara og ráðgjafa fyrir íslenska frumkvöðla, áhættufjárfesta og stofnanakerfið. Við héldum tugi boða í Reykjavík – í Höfða, í norska sendiráðinu og sérstaklega í breska sendiráðinu – sem og í íslenska sendiráðinu í London og frumkvöðlasetrum í San Francisco til þess að styrkja þessar brýr. Þar voru haldnar þemaræður um allt frá Bítlunum til James Bond;)

Það var krísa og kreppa á Íslandi en við buðum til veislu. Við opnuðum dyrnar og buðum öllum að sækja sér þekkingu og hvatningu. Fundarraðir eins og Startup Stories þar sem íslenskir frumkvöðlar sögðu sögu sína, heimsóknir til framkvæmdastjóra vaxtarfyrirtækja í samstarfi við Stjórnvísi og Nýsköpunarhádegi Klaks voru allar skipulagðar með það að leiðarljósi að miðla þekkingu á milli frumkvöðla. Við höfum haldið um sjötíu Nýsköpunarhádegi Klaks þar sem við höfum fengið á annað hundrað fyrirlesara til þess að fjalla um nýsköpun og verðmætasköpun á Íslandi. Þetta hefur verið góður Think Tank um nýsköpunarhagkerfið. Við skipulögðum eða vorum samstarfsaðilar við ótal ráðstefnur og verkefni eins og Neistaverkefnið með Björk, Driving sustainability, klasa-uppsprettur o.fl. Við héldum líka veislur, skemmtanir og tengslanetsfundi eins og Klakabar – óformlegur hittingur frumkvöðla – sem haldnir hafa verið um þrjátíu sinnum, Lokahóf Viðskiptasmiðjunnar sem hefur verið haldið í lok hvers hraðals eða ellefu sinnum, Late Night Seed Forum sem hefur verið haldið tíu sinnum, Frumkvöðla-Idol keppnina, Lyfturæðukeppni Klaks og aðra atburði sem hafa verið haldnir til þess að skapa kúltúr bjartsýni, sköpunar og samstarfs. Kúltúrinn í Klakinu hefur verið engum líkur, eins og vítamínsprauta af bjartsýni og framtíðarsýn eins og einhver orðaði það.

Þá er ekki allt upp talið sem við höfum dundað okkur við síðastliðin fimm ár. Við höfum unnið verkefni með upplýsingatæknigeiranum og rannsóknasetrum, jarðvarmaklasanum og orkufyrirtækjum, ferðaþjónustuna, sjávarútvegsgeiranum og fjármálageiranum og hönnunarfyrirtækjum og skapandi greinum. Við höfum gert fjölda rannsókna og prófað okkur áfram með mentoramódel og kennslufræði. Ég hef haldið ótal ræður fyrir rótarý-hreyfingar og samtök og við höfum stutt fjölda verkefna eins og Fræ HR, Gulleggið, Fyrirtækjasmiðjuna, Nýsköpunarkeppni Grunnskóla o.s.frv. Og við höfum kynnt ótal verkefni fyrir stofnunum og opinberum aðilum sem mörg hver gætu umbreytt nýsköpunarumhverfinu á Íslandi. Þetta var líka maraþon;)

Það sem ég er kannski stoltastur af, eftir á að hyggja, er að við sköpuðum þetta allt úr næstum engu, bootströppuðum eins og frumkvöðlar segja. Og ég veit að þetta er ekki skilvirkt viðskiptamódel, svo ég vitni í sjálfan mig, en við ákváðum árið 2008 að Klak ætti að vera samfélagslegt sprotafyrirtæki, þ.e. við ættum að hugsa um að byggja upp nýsköpunar- og sprotaumhverfið á Íslandi en ekki einungis hugsa um verkefni sem myndu skila okkur hagnaði. Ég held að það hafi tekist og að Klak hafi gert góða hluti á síðastliðnum fimm árum.

Þetta var skemmtilegt og gefandi spretthlaup, maraþonspretthlaup.

Takk fyrir mig og bestu þakkir fyrir samstarfið,

Eyþór Ívar Jónsson

Þema 4. desember 2012: Tónlistarsköpun – Verðmætasköpun öðrum til eftirbreytni?

Frummælendur:
Jakob Frímann Magnússon – Stuðmaður og tónlistarmógúll
Grímur Atlason – framkvæmdastjóri Airwaves

Viðburðurinn er öllum opinn og ókeypis til þess að auðga nýsköpunaranda lykilaðila í íslensku atvinnulífi og allra landsmanna.